VAIRENGTE-AH AMFU LEH ICAR TEN KUTHNATHAWKTUTE HNENAH AR LEH VAWK NOTE SEM:
Vairengte : 25th January, 2014: Nimin chawhnu dar
1:00 khan AMFU leh ICAR huaihawtin Community Hall-ah “Training Programme on Animal
Health Cum Free Clinic” neih a ni a.
He hun hi CIJW School Commandant, Maj.
Gen. Rajeshwar-a leh AMFU Gen. Secretary Pu Zion Lalremruata ten an hman pui a
ni.
He hun hmanpui tura sawm khual zahawm Pu Zion Lalremruata,
AMFU Gen. Secretary chuan thu sawiin “Vawiin ni ah mahni khua ngei a hetiang
programme a hmang thei chu lawm awm a tih thu a sawi a. ICAR leh AMFU thawhhona
tha tak avanga ti thei chauh an nih thu sawiin ICAR chu India ram ti hmasawntu
zinga pawimawh tak a nih thu a sawi bawk.
Tin Pu Zion-a hian Sorkar hnathawk
thenkhat zingah kuthnathawktute chanai sum lo pawhruk ching an awm t hu sawiin,
hetiang ang ti thin hria chuan AMFU hruaitute hnenah thlen turin kalkhawmte a
sawm a ni. Vairengte CIJW School chu Vairengte tan an thawhhlawk thu sawiin
Vairengte mi engemaw zat pawhin hna an hmuh tawh thu a sawi a. Tin sipai ram
compensation chungchang pawh a fel thuai a rin thu leh CIJW School te nen hian
in en hrang lova a theih an gang a hman tangkai thiam zawk an ngaih thu a sawi
bawk.
He huna a khuallian a tana sawm CIJW School Commandant Maj.
Gen. Rajeshwar pawhin thu sawiin Vairengte chu dinhmun vannei taka awm anih thu
sawiin boundary leh in sum dawn tawn na ani a. A leilung a tha in thlai chi
hrang hrang pawh a chin theih niin a sawi a. Mizoram hmun hrang hrangah a kal
tawh thu sawiin Mizo kuthnathawk tute an huan siam danah Terrace te an siam
ngai loh thu sawiin hetiang hi siam uar
tur leh thlai zingah a bikin Litchi leh Thingfanghma chu thawn chhuah thama tam
thar tura huan siam tur in a chah a ni.
Hemi hnu hian Commandant hian Vawk leh
Ar note semna a nei a. Tin, he hunah hian H. Lalrempuia, President, AMFU
Vairengte chuan an hmalakna te a sawi a. Kuth hnathawktute tan kawng hrang
hrangah Vairengte AMFU chuan hmalak zel an tum thu a sawi bawk.
Hall-a hun an hman zawh hian a thlawna ran entirna leh Ran
an sem bangte an sem chhun zawm a. He hunah hian mipui atanga thlan chhuah mi
24 te hnenah Vawk leh Ar note sem a ni a, Vawk note hi mi 9 hnenah a lian 1 leh
a te 2 a sem niin Ar note hi mi 11 hnenah a lian 4 leh a te 6 in sem a ni.
Source : RENGKHAWPUI Nitin chhuak chanchinbu
Comments
Post a Comment