AMFU Press Note - MoU between DDK & AMFU

ALL MIZORAM FARMERS UNION

General Headquarters; Aizawl Mizoram.

Regn. No. SR 199/94M-RFS of 1994 Society Act of 1860

___________________________________________________________________________________

     No.AMFU/PR-6-16/01                                                                                                            Dated Aizawl, The 08^th June, 2016

Press Note

            Kuthnathawktuten kan thar chhuah thlai hrang hrang mante awlsam zawka kan hrialh theihnan All Mizoram Farmers’ Union leh Kuthnathawktute Thian/ Mandhi Bhav, DDK, Aizawl-te chuan vawiin Dt 8^th June, 2016 khan thawh dunna thuthlung/MOU an ziak. He hun hi Pu R.Laltluanga, Treasurer, AMFU General Headquarters chuan a kai hruai a. Pu Zion Lalremruata, General Secretary, AMFU General Headquarters chuan keynote address pein, Mizorama kuthnathawktuten an thawhrim rah hlawk zawka an hmuh theihnan AMFU chuan Agriculture Marketing lamah  hma la chhoin tunah hian Agriculture Produce Marketing Act hnuaiah Mizoram sawrkar pawhin Regulated Market din tumin ke a pen mek avangin beiseina sang tak nen an thlir mek a ni ati a. Chutihrualin ram hruaitu leh mi thenkhat ten Mizoram Farmers-te tharchhuah a tlem vanga Agriculture Marketing tha a awm theih loh thu an sawi fo hi AMFU chuan kal dan phung dik loh vang  niin a hria a, khawvel ram changkang zawkte kal phungah chuan Farmers-te tharchhuah(Production) aiin a hralhna(Marketing) an dah pawimawh hmasain, an policy-ah Market First, Production Second a ni zawk zel a ni. Mizoram State anih hnu kum sawmthum (30) dawnah pawh Sawrkar hrang hrang awm tawhten Agriculture Marketing an ngaih pawimawh tawk thin loh avangin Mizoram chu tun dinhmun hi anih phah hialah AMFU chuan a ngai a ni. Chuvangin Agriculture and allied sector,  Farmers kaihhnawih thil reng rengah chuan a hralhna(marketing system) lam tih fel hmasak a, a tharchhuah(Production) a hmala zui thin turin ram hruaitute leh Farmers-te enkawltu Department hrang hrangte AMFU chuan a ngen nghal a ni tih Pu Zion Lalremruata chuan a sawi bawk.

            Hemi zawh hian Agriculture Marketing Information chungchangah MOU chu Pu Joseph. H.THanzuala, President AMFU leh Producer, Kuthnathawktute thian/ Mandhi Bhav-ten MOU an sign fel a ni. Pu Joseph H Thanzuala President, AMFU General Headquarters chuan thu sawiin, Mizoram kuthnathawktute tana DDK, Aizawl hmalaknaah lawmthu a sawi a. AMFU chuan Mizoram intodelhna tur chuan heng thil pathum – Environment and Ecosystem te, Economic Development te leh Education Reform te (E trio) hi inhne rem taka kalpui a ngai tih hi a duhdan a ni a. Economic Development tha awm tur chuan kan ram Agriculture Marketing System hi dan hnuaiah tha taka kan neih a pawimawh a, hemi tihlawhtling tur hian AMFU chuan a tawp thlengin hma a la dawn a ni thih Pu Zuala chuan a sawi bawk. He MOU hnuaiah hian thlai thar lakna leh hralhna man hrang hrangte AMFU buatsaih chu Kuthnathawktute Thian /Mandhi Bhav, DDK, Aizawlah kartin ningani dar 5.22 ah pek chhuah thin a ni ang.

Issued by,

AMFU General Headquarters