AMFU Press Release on Seminar on Land Reform
ALL MIZORAM FARMERS UNION
General Headquarters;
Aizawl Mizoram.
Regn. No. SR 199/94M-RFS of 1994 Society Act of 1860
___________________________________________________________________________________
No.AMFU/PR-5-16/02 Dated Aizawl, The 1st June,
2016
Press Release
State Level Consultative Seminar on Land Reform and Change of Agrculture
Production System
chu vawiin Dt 1st June, 2016 khan Aijal Club, Aizawl ah All Mizoram Farmers’ Union (AMFU) General
Headquarters chuan a buatsaih a, he Seminar hi Planning & Programme
Implementation Department, Government of Mizoram in a sponsored a ni. Seminar
hi hun thumah then niin Inaugural session hi Pu Joseph H.Thanzuala President,
AMFU General Headquarters chuan kaihruaiin; Pu RC. Thanga IFS(Rtd) Adviser AMFU
General Headquarters chuan hunserh a hmang a. He Seminar hi Pu Lalsawta Hon’ble
Minister i/c Finance, Planning leh Pu H.Liansailova Vice Chairman, Mizoram
State Planning Board te chu Khuallian/Chief Guest leh Khual zahawm/Guest of
Honour niin an hmanpui a ni. Pu Zion Lalremruata General Secretary AMFU General
Headquarters chuan he Seminar buatsaih anih chhante sawiin AMFU chuan Mizoram
hi ei leh bara alo intodelh theihnan Green
Revolution Movement chu kum 2008-a
AMFU General Assembly, Serchhipa neih tumin alo pass tawh a.
He Green Revolution Movement bawhzui
hian AMFU chuan a theih ang tawka hma la chhoin, Mizorama ram neihdan phung (Land Holding System) chu
siam that a, India ram State tam zawkte leh khawvel ram dangte kalphung anga Land Ceiling Act hman ve thuai AMFU
chuan tul a ti tak zet a. Tin, Mizoramah mi thil ti thei leh hausa zawkten ram
zau pui pui neia, tharchhuah engmah awm thin lo chu AMFU chuan a vei hle a .
Mizoramin kum 30 chuang lai mai State puitling anih tawh hnu pawha nitin eichawp thenawm State atanga a la chaw
lut reng hi a ngaimawhawmin, tuna kalphung pangngai hi chuan intodelh a harsat
bakah thil theih loh hialah AMFU chuan a ngai a. Chuvangin Mizoram Farmers ten
kalphung mumal taka hma an lak theihnan a enkawltu Department hrang hrangten
target fel tak hnuaiah thawhhona tha tak(Coordination) an neih a tul bakah,
chindan thalo paih boa, a rang thei ang bera Agriculture Policy neih thuai a tul a. Farmers-ten an thawhrah man
man zawka ram chhung leh ram pawna an hralh ngei theihnan Agriculture Produce Marketing Act(APMC ACT) hnuaiah Regulated Market/Price Control hman
tangkai vat AMFU chuan tul ati hle a, chuvangin
he Seminar hi rawtna mumal zawk leh ram tana tha ber tur zawnchhuah anih
theihnana buatsaih a ni tih Pu Zion Lalremruata chuan a sawi.
He huna Khualzahawm(Guest of Honour) Pu
H.Liansailova, Vice Chairman Mizoram State Planning Board pawhin thu sawiin kan
rama intodelhna tur chuan kal phung thlak danglam ngai thil tam tak a awm a,
department zingah pawh a policy leh programme lam aia sum ngaih ven zawk tam
tak an la awm chu siam that a pawimawh hle a ni a ti. Tin, he huna farmers-te
pawh fuihin kan ram intodelhna tur chuan tuna mi tam zawkten sum awlsam zawk um
loa mahni zawn theuha taima leh rim taka hma la thin tur leh tuna New Economic Development Policy(NEDP)
hian farmers-ten an thar chhuah man man zawka an hralh theihnan hmalakna
pawimawh berte zinga mi a ni dawn a ni ati bawk.
Pu Lalsawta Hon’ble Minister Finance,
Planning Deptt. leh he huna Khuallian ni bawk chuan thu sawiin AMFU leh
Planning Department tangkawpin ram(Land) kan neih dan kalhmang siamthat leh,
buh leh bal kan thar chhuah tam zawk theihna tur dapna kawng chungchanga Seminar
an buatsaih chu lawmawm ati in heng thilte alo hlawhtlin theihnan chuan “Kalphung Thlak (Change)” hi kan
hmachhawn hmasak ber tur a ni ati a. Ram neituin a ram tangkai lova a dah a,
kan ram dan(land law) anga chhiah rit tak pek a ngaih reng dawn avanga
engemawti kawng tala a ram chu hman tangkai a nih loh theih lohna kalphung
(System) thar kan mamawh a. Chutiang bawkin kan pi leh pute tih dan, kum za aia
tam kan hman tawh hi System thar hmanga kan thlak a hun tawh a ni. Hetiang
kalphurng tharah chuan kan thalai tam tak vawiina hnathawh tur nei lote hian loneitu hausa nih
tumin an thiamna hmangin loneitu nih an chak tawh ang. Heng kalphung hian
vawiina nghei lo tawk tawk chauhva buh leh bal thar chhuahna (‘Subsistence
level’) atangin thar chhuah tam vanga hausakna, (‘Market economy’) hun tharah
min hlangkai dawn a ni.
Kumin
atangin Sorkarin New Economic Development Policy (NEDP) hmangin hma a la dawn
a. Mizoram mipui pawhin he NEPD pawhin a ken tel tlat, kalphung (system) thar
hi pawm thiam turin ka ngen tak zet a ni. ‘HAWH U – ZORAM MIPUITE U, KALPHUNG THAR HMANGIN KAN RAM I SIAM ANG U.’
Khuallianin thu a sawi zawh hian Pu
R.Laltluanga, Treasurer AMFU General Headquarters chuan lawmthu sawina neiin
hemi zawh hian Technical session chhunzawm nghal a ni.
He Seminar-ah hian Dr Vijoo Krishnan
Jt Secretary, All India Kisaan Sabha (AIKS) leh Dr Chawngkhuma Chawngthu,
Finance Secretary AMFU General Headquarters te chuan Land Reform chungchang ah paper
an present a, Change of Agriculture
production System thupui chu Dr Robert S.Halliday, Adviser AMFU General
Headquarters chuan a present bawk a ni. Heng mithiamte paper present hi
kalkhawmte chuan zalen takin an sawi hoa, Mizoram Sawrkara rawtna thlen tur
thahnem chhawpchhuah a ni. Mizoram chhunga AMFU hruaitu hrang hrang bakah
helama inhmang sawm bik thahnem tak ten he Seminar-ah hian an tel a ni.
. Sd- ( ZION LALREMRUATA ) General
Secretary
Copy to:-
1. The News Editor
________________________ AIR/DDK/LPS/Zonet, I chanchinthar/ Chanchinbu zahawm
taka min lo puanzar sak turin.
2. Notice
Board.
(
ZION LALREMRUATA )
General Secretary
Comments
Post a Comment